Чингэлтэй дүүргийн 19 хорооны иргэдийн нийтийн хурлаас сонгогдсон 95 төлөөлөгч 1992 оны 9 сарын 19-нд хуран чуулж Чингэлтэй дүүргийн өөрөө удирдах бөайгууллаг болох тус дүүргийн Иргэдийн төлөөлөгчдийн хурлыг байгуулсан юм. Чингэлтэй дүүргийн нутгийн өөрөө удирдах байгууллага болох өнөөгийн ИТХ нь 5 дахь удаагийн сонгуулиар байгуулагдсан бөгөөд эх орондоо хүмүүнлэг иргэний ардчилсан нийгмийг цогцлоох, дүүргийнхээ иргэдийн эрхийг хангах, дүүргийн өмнө тулгамдсан бүхий л асуудлуудыг нутаг дэвсгэрийн эрх ашгийн үүднээс бодлогын чанартайгаар хэрэгжүүлэх, төсөв санхүүгийн хувьд бие даасан үйл ажиллагаа явуулах эрхэм зорилго тавин, Засаг даргын мөрийн хөтөлбөрийн хэрэгжилтэнд бүхий л талын туслалцаа үзүүлж хамтран ажилладаг. Дүүргийн иргэдийн төлөөлөгчдийн хурал болон түүний тэргүүлэгчид хуулиар хүлээсэн үүргээ нэр төртэйгээр биелүүлж, дүүргийнхээ ирээдүйн хөгжлийн бодлого чиглэлийг зөв тодорхойлон ажилласнаар нутгийн өөрөө удирдах байгууллагын нэр хүнд өсөн үйл ажиллагаа нь тогтмолжиж байна. Дүүргийн Иргэдийн Төлөөлөгчдийн Хурал байгуулагдсан цагаасаа эхлэн Нутгийн өөрөө удирдах байгууллага болох Иргэдийн төлөөлөгчдийн хурлын үйл ажиллагааг чанаржуулан идэвхжүүлж, дүүргийн өмнө тулгамдаж байгаа эдийн засаг, нийгмийн гол гол асуудлуудыг нутаг дэвсгэрийн эрх ашгийн үүднээс бодлогын чанартайгаар хэрэгжүүлэх, төсөв санхүүгийн хувьд бие даасан үйл ажиллагааг явуулах, засаг даргын бүрэн эрхийн хугацааны мөрийн хөтөлбөрүүдийг хэрэгжүүлэхэд бүхий л талын туслалцааг үзүүлэн, хамтран ажиллах зэрэг асуудалд гол зорилгоо чиглүүлэн ажиллаж байгаа юм.